MINTPIKER

Mint er historie

2010-03-16T07:50:00.000-07:00

Mint -butikken har for lengst stengt dørene. ( Til deg som lurer på om vi har tumledyr igjen så er svaret nei. Ingen butikk, ingen varer...tumledyra må du finne ein annan stad.)

Takk til alle trufaste kundar. Vi har mange gode minner å ta med oss vidare.

mvh.

mintpikene

Snipp, snapp, snute

2009-08-19T02:02:00.000-07:00

...straks er Minteventyret ute.

Vi forsøkte å finne nokon som kunne tenkje seg å ta over butikken vår, men vi ser at det er utfordrande tider for folk å kaste seg ut i dette. Så difor har vi no søkt etter nokon som skal ta over lokalet, og det blir truleg overtaking allereie i september.

I dag har vi starta opphørssalget på Mint, - velkommen innom!

Beste helsing Mintpikene

EOS

2009-06-22T01:55:00.000-07:00

No har vi fått EOS leppebalsam på Mint. Den er 95%organisk og 100% naturleg.

Den får leppene dine til å sjå sunne og naturlege ut.

Betre kan det vel neppe verte!

Klassikar tilbake

2009-06-18T07:21:00.001-07:00

Mintklassikaren "Metermål" er tilbake. I dette metermålet kan du sette inn bilete frå barnet er bittelite og fram til det blir opptil 2m. Ei super barselgåve som varer lenge!

Dessutan har vi fått inn tommestokk med kunsthistorie - lær deg litt medan du snekrar!

Raude dørmatter på salg

2009-06-18T03:31:00.001-07:00

På jakt etter litt farge i heimen? No har vi store( no: 475,-) og små raude (no: 230,-) dørmatter på salg.

Litt gull i ein grå kvardag

2009-06-18T03:26:00.000-07:00

Vi har fått inn fine koppar med gullmønster. Koppane er i porselen med termoeffekt, her held kaffien seg varm sjølv på ein hustrig junidag.

Eit fly kom lasta med...

2009-06-18T03:22:00.001-07:00

...nye varer frå England. Koppar med lokk, brødfjøler og store fat med ulike motiv. Søtt, morosamt og praktisk.

Knappemoro

2009-06-18T03:20:00.001-07:00

Gamle knappar vert fin øyrepynt

Heilt til topps...

2009-06-09T03:19:00.000-07:00

...og ned igjen.

No kan du få di eiga ulriksbane heime i stova.

Fin fin sak.

Sommaren står for døra

2009-06-08T01:51:00.000-07:00

Vi har ikkje funne ein arvtakar til Mint enno, men vi har ikkje gitt opp håpet.

Vi smør oss med tolmod. I sommar vil alt vere som før her på kaia og vi håpar på knallfine veker. Masse besøk av gamle og nye kundar og god handel. Nye varer er på veg til store og små, det er berre å kome og sjå!

Nye tider

2009-04-21T07:08:00.000-07:00

No har det vore vinter og påske sidan forrige blogginnlegg!

Vi har vore litt opptekne her på Mint med framtidstankar. Etter mykje tankeverksemd og vurdering har vi kome til den avgjerda at vi ønskjer å selge butikken. Det er ulike grunnar til dette, men livssituasjon er heilt klart ein viktig faktor.

Vi synes det er veldig trist om Mint ikkje skal vere meir, og håper at det er nokon der ute med ein "kremmar i magen" som har venta på denne muligheita: å eige ein heil Mint-butikk og ta konseptet til nye høgder!

Mint har stort potensiale, og den som tek over står fritt til å vidareutvikle konseptet og realisere sine eigne idear. Det er noko av dette som er Mint, å sette sitt personlege preg.

Samstundes er det mange som etterlyser Mint-nettbutikk og det vil vere ein fin kombinasjon med butikkdrift på kaia.

Om du ikkje får sove i natt etter å ha lese dette og berre tenker på Mint...ja, då kan det vere

lurt å ta kontakt. Kanskje er du den nye mintpiken, mintmannen(!)

Sjå annonse på Finn her

I skyene

2009-03-16T08:27:00.000-07:00

Mjukt bomullspledd til barn. Godt å ha i vogna, i bilen eller berre som kosepledd.

April in Paris

2009-03-11T04:21:00.000-07:00

Om du ikkje har planar om å møte våren i Paris så kan du kanskje heller få lite Paris inn i våren her heime?

Forkle til liten og stor, gryteklutar og skåler med parisiske motiv eller motiv skapa av parisiske designarar. Og på veggen kan du henge fine trykk.

Koppar og fat

2009-03-07T03:16:00.000-08:00

Før jol fekk vi inn nokre fine koppar med lokk, dei vart fort utseld. No har vi fått inn nye! Dessutan fuglefat og skjærefjøler. Fine ting i laminert bjørk.

Tigeren og bjørnen er tilbake!

2009-02-26T06:37:00.000-08:00

"Den som har ein venn, treng ikkje vere redd for nokon ting i heile verda!" Den vesle bjørnen og den vesle tigeren er to gode venner som opplever mange eventyr. Og dei er ikkje redde for nokon ting, for saman er dei så sterke.

Dei lenge så etterlengta bøkene om "Tigeren og bjørnen" er no tilbake.

No får du seks forteljingar samla i ei bok!

Papirdraum

2009-02-25T05:10:00.000-08:00

Vi har fått påfyll av handlaga, vakre, japanske papir og origamipapir. Dei handlaga papira er silketrykk med mange ulike mønster, mønstra er inspirert av kimonomønster. Desse papira er flotte å bruke til kort, innramming, dekorasjon av permar eller boksar, ljoslykter, etc.

Vi har dessutan fått inn nokre eksklusive ark Sogara Youzen(det nederste bildet), desse er handlaga og handsilketrykt - og er flotte å henge opp på ein vegg.

Innlegg nummer 101 med 101knappar

2009-02-20T05:22:00.000-08:00

Vi har fått påfyll av mange nye ordknappar. Ord som løyndom, honning, perle, undring, grøn eller drope - kan no syast på ei skjorte eller ei lue eller ein genser eller noko anna fint.

Vrimlevrimle

2009-02-11T02:48:00.000-08:00

Vi held fram med å nyte vinteren, men samstundes glede oss til våren! Vi har fått inn "Vårvrimleboka", boka som er full av bilder som kan bli til mange herlege historier.

Tid for te!

2009-02-09T03:04:00.000-08:00

Kald, vakker vinterdag.

Stor kopp te.

Fire nye smakar.

Søtt som snop

2009-02-04T06:27:00.000-08:00

I dag lavar snøen ned på Strandkaien, men inne har vi vårkjensle, det er berre å sjå på dei nye fargane vi har fått inn. Korthaldarar og pengepung, smykker og hårspenner.

Kalender -30%

2009-02-02T03:18:00.000-08:00

Har du enno ikkje kjøpt kalender for det nye året?

No har vi salg på dei fine vegg-og bordkalenderane.

-30%, det er ikkje dårleg det!

Januarsalg

2009-01-15T07:43:00.000-08:00

Vi har eit lite salg på Mint om dagen. Bordet er fylt med varer.

Her kan du finne små og store skattar til redusert pris, 30-50%.

(t.d. skohotell, hyller, lampar, buttons, kort, såper m.m)

Eit skip...

2009-01-12T04:54:00.000-08:00

...kom lasta med varer frå Japan. Planen var at dei skulle komme før jol, men istaden vart det mange herlege nyårsoverraskingar!

Store og små vesker, små matboksar, brevpapir, plastmapper, fotoalbum, handlenett, såpeflasker, etc.

Kom innom og sjå!

God jul

2008-12-20T02:58:00.000-08:00

Adventskalendaren vår er full av fine fuglar i år, og snart skal den siste raude fuglen opp.

Vi vil med dette takke alle våre mintkundar for dette året som har vore. I 2009 vert det nye overraskingar i hyllene og fleire godbitar å gle seg til. Men først er det julehøgtid.

Det er ikkje alle som gler seg til jul, og for nokon kan jula vere vanskeleg å kome gjennom.

Vi sender våre beste ynskjer og håper vi alle kan kjenne ein fred i desse vekene som ligg framfor.

Beste helsing mintpikene,

Birgit og Margit

Enno ikkje bestemt deg...

2008-12-12T03:47:00.000-08:00

...for kva du vil gje i jolegåve?

I dag fekk vi inn dansk keramikk - som kan gjere deg enno meir forvirra på kva du skal gje folk til jol...

Fine krus, tekanner, skåler, barneservise og smykker.

OPNINGSTIDER

2008-12-11T01:59:00.000-08:00

Her er opningstidene våre i adventstida og ut året!

mandag - fredag 10-18

torsdag 10-19

laurdag 10-17

søndag 14-18

lisjejulaftan 23 des 10-14

julaftan stengt

stengt i romjula

tysdag 30 des 10-16

nyårsaftan 31 des 10-14

PS.

2008-12-10T01:22:00.001-08:00

No har dei kome. Dei fine koppane vi venta på. Dei du ser i innlegget nedanfor. To mønster. Kjærleiksfuglar og lauv. Perfekt til americano. Eller kanskje til jolesild? Men ikkje på same tid...

Ååååå... hopp!

2008-12-04T06:13:00.000-08:00

Hadde du ein slik skihoppar då du var liten?

Dei fins enno. Her på Mint har vi dei i mange ulike fargar.

Saman med skihopparen får du flaggklistremerker

til å feste på ryggen til hopparen. Med litt trening i romjula

kan du ta del i nyttårshopprennet...

Kjærleiksfuglar

2008-12-03T02:18:00.000-08:00

Kjærleiksfuglar, lauv, landsbyar og Blossom og Bill er nokre motiva på dei nye skjerefjølene og små brikkene vi har fått inn. I neste veke får vi også nokre veldig fine koppar frå same leverandør.

Kalendrar!

2008-11-21T06:52:00.000-08:00

Som vi fortalte i eit tidlegare innlegg så har vi fått inn kalendrar. Fine, fine. 3 storleikar.

Idéar

2008-11-21T06:48:00.000-08:00

I forrige veke dekte vi eit bord med varer - der ingenting kostar over 50kroner. Kanskje finn du noko som kan pakkast inn og vere gåver i adventskalenderen som du lagar til dotter/sonen/tanteungen/kjærasten/mannen/kona/venninna/vennen/osv.

Mjuk glede

2008-11-21T06:33:00.000-08:00

No har vi fått ein kartong med mus, kaniner og jolepynt i tekstil.

Ei veldig søt mus som bur i ein stor fyrstikkask, tre søsken Kanin, og ein gris som liknar litt på den som Lotta i Bråkmakargata har.

Dessutan julepynt - kremmerhus, blomar og polkastenger.

Løyndom

2008-11-13T07:11:00.000-08:00

For dei som ikkje har vore innom Mint den siste veka så har vi ein løyndom - vi har fått inn nye kalendrar! Vi har venta på bilete, difor har vi venta med å lage blogginlegg om det. Men no kunne vi ikkje vente lenger - og måtte berre fortelje om det:)

Det har altså kome vakre kalendrar til å henge på veggen, eller ha på bordet - tre ulike storleikar.

Her kan du sjå fjorårets variant.

Brettebrettebrette

2008-11-05T07:03:00.001-08:00

Ei lita trapp opp ligg papiravdelinga vår. Der kan du finne jolekortmatriale på tilbod og ikkje minst masse nytt origamipapir. Ein finfin adventstidaktivtet når den tida kjem.

Hjerte og smerte

2008-11-05T07:01:00.001-08:00

Vakre hårnåler med hjarteforma glasstein. Vi har dei i grått og svart.

Blått

2008-11-05T06:44:00.000-08:00

Vi snakkar blått. Skikkeleg blå. Det er ein av dei nye fargane på den klassiske lommeboka i åleskinn. Den fins sjølvsagt i mange andre fargar også, t.d. grøn, lilla, djuplilla, raud, svart osv.

Meir moro

2008-10-30T03:17:00.000-07:00

Vi har fått nye og gamle variantar av Momijidokkene, meir muffinsformer, søt toalettveske/sminkeveske og ein boks med herlege klistermerker.

Luddeklær

2008-10-28T08:42:00.000-07:00

Vi har fått inn nye luddeklær.

Her er ein av dei, synes eg dreg kjensel på det turkise stoffet ja ;)

Fleire foto av forkle-kjolar kan du sjå på www.luddeklaer.blogspot.com

Ny veke og nye varer

2008-10-27T06:47:00.000-07:00

Det er ikkje så verst å starte ei heilt ny veke med heilt nye varer...

bilpute, "rush hour"

trepute, "dotty"

kjøkkenhandkle

Eksklusivt til mannen

2008-10-25T04:27:00.000-07:00

Mansjettknappar frå Snella og Petronella er eksklusiv vare - og vi har fått fire par til sal på Mint. På dei står det: "råkken råll", "kjerne kar", "ædda bædda" og "jadda jadda".

Dessutan kom det påfyll av ordknappe øyredobbar og knappar med ord eller blomar.

Trygg i trafikk

2008-10-24T01:36:00.000-07:00

Vi slår eit slag for trafikktryggleik! Vi sel no refleksar, av den blanke, harde, runde sorten. Heng ei i kvar jakke - så er du sikker på at bilane ser deg i mørkret.

Papir på salg

2008-10-23T02:34:00.000-07:00

No sel vi ut ein mengde fine papir til redusert pris.

Her kan du finne konvoluttar, papir til innpakking og papir til julekort/brev.

Det er berre å begynne og skrive lister til alle som skal få julebrev...

Ein lysande idé!

2008-10-22T03:56:00.000-07:00

Den nederlandske formgjevaren Nicolette Brunklaus har gjort suksess med sine flotte lamper. Desse kan du få tak i på Mint!

Mykje nytt og noko kjent...

2008-10-22T03:50:00.000-07:00

Rosa glas til ripssaft

Sjå fiskane symje...

Overraska dokker!

Roser er raude...

2008-10-22T03:43:00.000-07:00

...og det er dørmatte, uro og vase óg.

Fugletak

2008-10-17T04:34:00.000-07:00

Saman med påminninga "Gakk ikkje på tonn is!" stod det også "Hugs småfuglane!" i lokalavisa mi på vinteren.

Vi går snart over i ei ny årstid og småfuglane kan trenge ein matbit. Med dette fugletaket hengande utanfor vindauge får fuglane mat, dei held seg tørre og du kan observere det heile over ein kopp kaffi!

Perler på ei snor

2008-10-17T04:28:00.000-07:00

Store porselensperler på ei snor skapar eit heilt spesielt kjeleunderlag. No kan du smykke bordet ditt!

Skriv eit kort

2008-10-14T06:58:00.000-07:00

Synes du det regnar i "meste laget"?

Kva med å skrive eit lite kort..?

Tenk å finne eit handskrive elefantkort i

postkassa når ein kjem heim trøytt og sliten, våt på beina

og utrulig svolten?

Eller du kan skrive ei Panda-helsing medan du drikk kakao?

Desse korta og enda fleire i samme stil finn du hos oss.

Dei ser både eksotisk og nostalgiske ut og er laga av to flinke jenter i Oslo-bygda.

Ikkje reint lite eksotisk det heller!

Boka i oktober

2008-10-04T03:44:00.001-07:00

I år er det 100 år sidan Olav H.Hauge vart fødd. I høve dette jubileet har vi valt ei Hauge-bok for oktober. Her kan du lese eit lite utval av dikta hans og Inger Lise Belsvik har laga fine illustrasjonar(lino og collage) Denne boka er vel verdt pengane!

Arkitektkommode med papir

2008-09-30T04:36:00.000-07:00

På Finn.no har vi no lagt ut arkitektskuffar/kommode MED papir til salgs. Vi syns dette er eit strålande tilbod for dei som brukar mykje papir og som ynskjer seg eit stilig oppbevaringsmøbel til dette!

Dansk og dejlig

2008-09-26T01:58:00.000-07:00

Vi har nett vore på postkontoret og henta nokre herlege danske porselenssmykker - seinare i haust kjem det også flott porselen(koppar, barneservise, skåler ol.) frå denne produsenten.

Ein klassikar

2008-09-20T01:46:00.000-07:00

Denne klassikaren har vi fått inn på Mint. Det er kanskje mange som har lese den i sin ungdom og som kan tenke seg å lese den igjen.

"Heilt i skyene..."

2008-09-16T02:59:00.000-07:00

Barneforkle (i voksa bomull) med sky-motiv. Tilsvarande forkle har vi også i fargane rosa og grønt. Har også smekker, toalettvesker og sminkevesker i samme kvalitet og farge.

Pusle, pusle

2008-09-12T04:07:00.001-07:00

I dag skin sola over Vågen, og fristar ikkje til inneliv. Men når det blir innevêr, då har vi forslag til ein aktivitet på Mint, pusle!

Vi har fått inn fine puslespel i eigen koffert; Mumi og Barbapapa. I tillegg kan du finne mange nye kubepuslespel, med motiv av Ilon Wikland (som illustrerte nesten alle Astrid Lindgren sine bøker). Andre kubepuslespel har motiv frå Elsa Beskow og H.C. Andersen sine historier, og eitt med diverse barnebokmotiv.

Klokke

2008-09-08T06:03:00.001-07:00

Ei tid var

ei anna er

Oh deer!

2008-09-08T05:47:00.001-07:00

Stilig taklampe med dekor av...?

Ja, ser du det?

Boka i september

2008-09-08T04:54:00.000-07:00

September har snike seg på og hausten er i emning. Ei fin tid til å sette seg ned og dikte historier i lag med minstemann. Haustvrimleboka er ei bok med hundrevis av historier de kan dikte sjølve.

Her er inga tekst, berre fine teikningar med mange detaljar. God bok!

Lekker ål!

2008-08-29T08:57:00.000-07:00

No har vi fått påfyll av lommebøker og vesker i åleskinn. Mange herleg fargar,både knallfargar og dei meir diskrete...

Nokre nye modellar har vi også fått - t.d. korthaldar/lommebok i patchworkmønster.

Din eigen Ulriksbane

2008-08-26T02:16:00.000-07:00

Ulriksbanen er stengt i år, så då er det godt at ein kan ha sin eigen i miniatyr.

Heng den opp på line, trekk opp med nøkkelen - og sus av garde!

Gyldne nøklar

2008-08-26T01:22:00.000-07:00

I ein ask på disken fins det no mange klistremerke med gullnøklar - og ein kan lure på kva ein skal med dei... Jo, ein skal lage sitt heilt eigne nøkkeloppheng!

Nokre nøkkelklistermerke, eit par spikrar - og vips!

ABC

2008-08-21T13:59:00.000-07:00

Skulestart.

Det er kanskje kribling i magen for mange førsteklassingar om dagen. Ja, kanskje for foreldre og. Det er spennande å byrje på skulen. Ny ransel, penal og matboks. Eg kan huske det skramla i ranselen min når eg sprang til skulen, matboks i metall mot mjølkeflaske...

På Mint feirar vi med ABC og ny utstilling.

Egg til frukost

2008-08-12T03:31:00.000-07:00

No kan du dekke frukostbord til 6 personar med fine eggeglas.

Nye løyndomar og ferske muffins

2008-08-12T03:01:00.000-07:00

Her er ein smakebit av nye ting vi har fått inn. Nye Momiji-dokker med nye fargar og ansiktsuttrykk. Søte.

Momijidokka kan passe på den hemmelege muffinsoppskrifta di om du ikkje vil dele den med andre. Formene kan du kjøpe på Mint.

Boka i august

2008-08-07T07:47:00.000-07:00

Vi prisar Bergen - ved å velge boka "Bergen" som boka i august!

Denne boka er fylt med panoramabilete frå Bergen, og er ei flott bok for både turistar og oss som bur her. Kanskje ser du ein stad du ikkje har vore og vil gå på oppdagingsferd? Kanskje ser du huset ditt? Kanskje ser du Bergen med nye auge?

Salg -20%

2008-08-04T06:22:00.000-07:00

DVD-, CD- og pockethyller er no på salg, -20%.

Retro og miljøvennleg

2008-08-04T02:42:00.000-07:00

I sommar fortalde mor mi at ho huska då plastposane kom i butikkane. Det var tidleg, tidleg på syttitalet.

Sidan den gong har plastposeproduksjonen eksplodert.

I følge Grønn hverdag brukar vi her i Norge ein milliardar plastposar i året. Dei fleste av desse posane vert brukt berre ein gong. I beste fall vert dei brukt to, heim frå handleturen og når bosset vert bore ut.

Eit fint alternativ til plastposar er BAGGU.

Her på Mint kan du få kjøpt Baggu, dei fargerike netta i 100% nylon. Mange har kjøpt desse og er flinke til å bruke dei. Supert! Om vi går tilbake i tid var det nettop slike nylon-nett folk brukte. Eg kan huske at mormor hadde ein trillebag vi måtte bruke når vi skulle på S-laget. Det var litt flaut den gong, men no skulle eg gjerne hatt ein slik! Veldig praktisk.

Det er miljøet vi tenker på når vi no skal begynne å ta betaling for handleposane på Mint.

1 krone for dei små og 2 for dei store. Pengane går til Grønn hverdag.

Tid

2008-07-24T06:34:00.000-07:00

Det er sommartid, og tenk no kom sola og varmen. Vi merkar det her på Mint og, sjølv om butikken ligg i skuggen.

Det er ei fin tid og minna kjem ofte om somrar eg har hatt tidlegare. Ikkje i fjor eller året før der igjen, nei tilbake til syttitalet. Då var sommar berre sommar. Ingen store forventingar om å få gjort mest mulig, reise langt vekk på ferie, bli brunast mulig, eller tene masse pengar. Då var det sommar for sommaren si skuld. Sommaren hadde både sol og regn og sommaren var lang.

(glasklokke i retrostil 599,-)

To einslege, snille giraffar...har no fått ein heim i trivlege Trøndelag

2008-07-24T05:01:00.001-07:00

...står på Mint og ventar på å få ein heim. Ein i svart/kvit og ein i raud/rosa.

Vi har altså igjen to tumledyr og desse vert selde på halv pris.

...eit glas med fisk!

2008-07-21T05:35:00.000-07:00

Fine drikkeglas med fiskemotiv. Raude, gule, grøne blå.

Fine ting frå Stine

2008-07-11T06:03:00.005-07:00

vi har fått inn skåler, skrin og vasar frå Stine. Dette er skikkeleg fint arbeid i porselen. Dei er som smykker...

Boka i juli

2008-07-10T13:22:00.000-07:00

Ja, kva passar vel betre i juli? Litt ekstra reiseforsikring er godt å ha i tilfelle flyet vert forsinka, du ikkje får sove på nattbussen eller du skal feriere heime.

"Her er gode, humoristiske, snertne og overraskande dikt om å reise, stikke av, kome igjen, sjå noko nytt, sjå alt på nytt, om stader du drøymer om og stader du aldri har høyrt om."

Mooi...

2008-07-01T06:56:00.000-07:00

er det nederlandske ordet for fint, trur eg. Det beskriv isåfall godt dei nye tinga som kom inn i formiddag. Fine fat, vasar, teljosestakar, glas og koppar mm. Her kjem nokre eksempel:

Godt handverk på salg- SOLGT!

2008-06-30T02:57:00.000-07:00

Vi sel desse flotte kjøkkenskåpa til - 20%!

Kjøkkenskåpa kjem frå England og er oppattkalla etter designaren si norske bestemor, Ella.

Designaren har valt å bruke norske namn på krydderglasa; støt pepper, nellik, salt og allehånde. Metallbehalderane kan du til dømes fylle med mjøl, ris, sukker, havregryn. Tenk å ha eit slikt skap, ein kan få lyst til å bake av mindre...

Kjøkkenskapa er solid handverk i heiltre, måla i kvitt eller "Norwegian blue".

Miniveske

2008-06-24T03:02:00.000-07:00

Fin lita veske/pung med handtak og hjort....

Trofé

2008-06-21T02:07:00.000-07:00

Vi har fått inn fine troféputer med hjort på. Om du saknar eit trofé på veggen, og ikkje har tenkt å gå på hjortejakt til hausten kan du ta ein tur innom Mint. Vi skal heller ikkje på jakt, men vi har fine veggklistremerker som gjer samme susen som eit utstoppa hjortehovud...

...og ikkje nok med det, vi har fått inn ei veldig fin taklampe med oval form:

Boka i juni

2008-06-12T06:43:00.000-07:00

Som favorittboka i juni har vi valgt "Alt er høy" av Helge Torvund.

Helge Torvund er ein spennande lyrikar med lang fartstid. Hans ord og bilete overraskar stadig, og ein får vere med i eit eige Torvundsk univers. Boka kan vere fin å gje til nokon som ikkje er så bevandra i lyrikk, og kanskje Torvund vil opne ei ny verd for dei?

Fikapaus

2008-06-12T06:33:00.001-07:00

Eit svensk favorittord for mange, kanskje spesielt sidan det ikkje er så lett å oversette. Stiligare kaffe/testund får du iallefall ikkje, enn med presskanne/tekanne i stål. Det er berre å sette igang å bake scones eller kanskje ei marmorkake?

Sommarleg

2008-06-12T06:19:00.000-07:00

Nye, sommarlege varer har kome inn på Mint. Desse passar ikkje berre om sommaren - dei kan gje farge til ein mørk haust. Kjøkkenhandkle (fleire av dei i organisk bomull), putetrekk og lampeskjermar.

MINT 2 år

2008-06-05T02:31:00.000-07:00

Laurdag 7/6 er det to år sidan vi forsiktig opna dørene på Mint,

etter ein månads oppussing av lokalet, venting på varer og arbeid med ustilling i butikken.

Mintkundane er spesielt trivelege

- vi set utruleg stor pris på dykkar entusiasme og gode respons!

Kom gjerne innom på laurdag og ta eit glas saft med oss, i varmen.

Her kan du få sjå litt av det som skjedde i tida før vi opna:

Lokalet trengte både måling og omsorg...

På sjølvaste 17.mai tok vi oss ein tur innom for å flytte eit tungt skap ned i kjellaren.

Her bygger vi disken.

Det er høgt under taket på Mint - så vi vart gode vener med den høge gardintrappa.

... og så, endeleg, Mint!

Sukkertøy

2008-06-03T07:14:00.000-07:00

Hugsar du isen med ei tyggegummikule lengst inn? (eller var det lengst ned?) - jadesteinane i nokre av dei nye smykkene våre minner om dei. Vakre, tunge tyggegummikuler på ei snor.

Vi har også fått inn nokre florlette sommarsmykker - til dømes armband med sylvringar og turkise perler, og smykker med sylvhjarte og rosa og brune perler. Kom og prøv!

Nytt ljos?

2008-05-29T04:27:00.000-07:00

No har vi fått inn nye lamper! Flotte, stilige lamper som lyser opp. Og ned. Mest ned.

Industrilamper i mindre storleik enn det vi har hatt tidlegare, og lamper med eit visst landleg preg. Alle kjem frå ein ganske liten lampefabrikk i England.

Tumledyr -50% !

2008-04-26T01:49:00.000-07:00

Vi har no eit særs godt tilbod på tumledyr, -50%. Betre pris finn du neppe, så no er det berre å slå til. Foreldre som har kjøpt desse danske design leike-møblane gir oss gode tilbakemeldingar. Barn likar tumledyr.

Mistenkeleg godt tilbod tenker du? Ikkje noko mistenkeleg i det heile, tumledyr er fantastiske gode produkt. Vi treng berre meir lagerplass, og ønskjer å finne nye spennande varer...

Nostalgisk badeliv

2008-04-24T01:41:00.001-07:00

Badeanstalten.
Det er mange fornøgde kundar som har spurt etter desse varene. No har vi fått ny levering av badesalt, såpestykke, hudkrem osv. Det er milde og gode produkt, og veldig fine om ein har sensitiv hudtype.
Alle produkta har namn og ei nostalgisk, delikat innpakning.
"Barndomsminne" og "morgensang" er namn på to av såpene...
Ja, kven skulle ikkje trenge ei slik fin såpe?

Veskedilla?

2008-04-24T01:29:00.000-07:00

Ny toalettveske til campingturen?

Eller ei veske til storbyferien?
Ikkje veit vi om du skal på camping eller storbyferie, men her er iallefall nokre døme på nye vesker vi har fått inn på Mint - og det fins fleire!

Meir

2008-04-17T08:22:00.000-07:00

Meir - eller rettare skrive More er eit nytt merke vi har fått inn på Mint. I designfirmaet, More, har svenske formgjevarar samarbeida med mesterkokken Marcus Samuelsson.
Eit vellukka samarbeid synes vi!
På Mint kan du finne More tallerknar, skåler og koppar, både til vaksne og born. Veldig fine!!!

Ny baggu?

2008-04-10T06:13:00.000-07:00

Vi har no fått eit større fargeutval på bagguane. Mange flotte fargar, både einsfarga og stripete: lilla, syrin, gråstripete, raudstripete, blåstripete, marine(kvite og blå striper)
I tillegg har vi mørk rosa, raudt, oliven, grått og svart som tidlegare.

søt og mystisk...

2008-04-10T05:30:00.000-07:00

Vi har fått mange nye varer på Mint. Søte japanske dokker er eit motiv som går igjen på enkelte av desse varene. Utgangspunktet for desse motiva er dei fine beskjed-dokkene. Desse har vorte veldig populære i England. Under dokka er det eit lite hol, og inni her ligg ein liten papirlapp. På den kan du skrive ein liten beskjed eller ei hemmelegheit...

Boka i april

2008-04-10T05:25:00.000-07:00

I april har vi valt "Det er den draumen" som favorittbok. Tittelen er henta frå eit Olav H. Hauge sine mest kjende dikt.
I denne boka presenterer Bodil Cappelen eit utdrag av Hauge sin store produksjon. Dikta kan gjere deg ettertenksam, lokke fram smil eller gi inspirasjon. Ei god bok.

Mmmmjukt...

2008-03-13T03:24:00.000-07:00

På jakt etter ny lommebok? Vi har mange fine i åleskinn. Skinnet er både mjukt, sterkt og veldig fint. Lommebøkene fins i ulike storleikar, design og fargar.

Grøne vårkjensler

2008-03-05T02:00:00.001-08:00

På Mint har vi dørmatter, som også kan brukast på stove, bad eller soverom.

Dei minnar oss om at lauvet skal sprette på nakne kvistar og blomane springe ut!

Vi har også desse mattene i svart og grått, og i to andre mønster; blome(liten og stor) og fugl.

Boka i mars

2008-03-05T01:53:00.000-08:00

Boka "Handgranateple" av Ingelin Røssland er Mintpikene si anbefaling.

Ei god og viktig bok

Målgruppa er ungdom, men boka er óg fin for vaksne.

Om å kjenne seg utanfor, om uro, vennskap og forventningar.

Gode kjensler. Vonde kjensler.

Stup!

2008-02-20T05:26:00.000-08:00

Er du klar for å kaste deg ut i det?

Denne kofferten har luftehol på sidene, slik at ein kan ha vått badetøy i den, eller kanskje du vil fylle den med Stupedamelakrispastillaskar?

Traner

2008-02-19T02:47:00.000-08:00

Vi har ei fin uro hengande på Mint. 11 traner som dansar i ring. Traner er eit japansk symbol på fred.

Sadako Sasaki gjorde dette symbolet til eit internasjonalt symbol på fred. Ho var ei ung japansk jente og eit offer for øydelegginga etter atombomba i Hiroshima.

Sadako vart alvorleg sjuk, og før ho døde bretta ho tusen traner i origamipapir.

Dette prosjektet starta ho på bakgrunn av ei legende som seier at den som klarer å brette tusen traner skal få eit ynskje oppfylt.

Sadako ville gjerne verte frisk slik at ho kunne springe, og leike som før.

Ynskje til Sadako vart ikkje oppfylt, men gjennom denne handlinga skapte ho eit symbol for fred for barn i heile verda. I Hiroshima er der i dag ein fredspark med ei statue av Sadako som held ei trane.

"Ein god dag kjem aldri for seint" (I.Aasen)

2008-02-19T02:30:00.000-08:00

Vi innrømmer gjerne at det har vore litt stillstand i vareutvalet på Mint i januar, men no kan vi lokke med nye overraskingar i hyllene. Gode smakebitar er på plass og fleire er på veg.

Vi gler oss.

Tumledyr på salg!

2008-02-02T04:08:00.000-08:00

No er tumledyra frå bObles på salg! - 20% på alle former og farger.

50% på Pause -SELD!

2008-02-01T01:11:00.000-08:00

Hugsar du den stilige store Pauseknappen vår? Den som har vore filmstjerne i Varg Veum film - som du kunne lese om i oktober.

Den er no på halv pris - og kostar 1499!

Stiligare blir det ikkje.

Nytt år. Ny te.

2008-02-01T01:05:00.000-08:00

Kva med å starte februar med litt harmoni og kjærleik? Eller kanskje noko reinande? På Mint har vi no 10 forskjellige Pukka-te, økologisk te i vakre pakningar.

Kok ein kopp eller ti!

"du grøne, glitrande...

2007-12-19T14:12:00.000-08:00

...tre, god dag!" Snart kan vi tillate jula å sige inn over oss, kjenne skuldrane senke seg og kanskje høyre snøfnugga dale. Takk til alle trufaste kundar og nye kundar for eit hyggeleg år!

Vi gler oss til å opne den nye kalendaren og sjå dykk igjen i 2008.

Klassisk frå Brioland

2007-12-10T12:52:00.000-08:00

Tenk så har den gamle, gode dachsen komt til Mint. Han har tatt med seg marihøna, herr Sampo, dei snille klovnane og den gule anda på to hjul...

Gode klassiske leiker som toler ein støyt.

Tenk miljø!

2007-12-05T05:19:00.000-08:00

Om du kjøper ein Baggubag i jolegåve hjelper du mottakaren å bli meir miljøvenneleg... Eller kanskje du har som nyttårsforsett å tenke meir miljø - då kan Baggubagen hjelpe deg med å ikkje få/kjøpe så mange plastposar som du berre kastar.

Sammenbretta tek den nesten ikkje plass i veska, den kan t.o.m. få plass i ei bukselomme.